Daing ng Isang Pinoy sa Macao, Timog Tsina*
Ni Papa Osmubal

Ganito kong gugunitain
ang aking bayang patay-gutom:

Umiyak ako nang iwan ko siya
at apdo ang aking luha.

At iyan ang umpisa ng aking
mapait at walang hanggan Exodo.

Hinahanap ko ngayon ang Panginoon ng poot at galit
na hahati sa dagat na ito ng panlalait at panunuya

Nang sa gayon makatawid akong
walang sugat ang puso at kaluluwa.

© Papa Osmubal