Nag-iisa sa Zhuhai, Guandong
Ni Papa Osmubal

Ang mga karagatan ay higit na malawak
kesa sa ating iniisip at pangunawa.

Ang panahon ay matulin lumipas sa hangin at tubig:
gaano na katagal na hindi tayo nagkita?

Sa panaginip lamang kita nakakasalamuha
sapagkat sa panaginip humihinto ang panahon.

Ilang bulaklak na ang sa iyo’y aking naipadala?
Mamayang gabi sa iyong pagtulog bilangin mo ang mga ito.

© Papa Osmubal